ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

កម្ពុជា-ចិន រំពឹងមានជើងហោះហើរក្នុងរង្វង់៣០ ទៅ៤០ភាគរយនៅខែកុម្ភៈ

  • ចុះផ្សាយថ្ងៃទី២៩ ខែមករា ឆ្នាំ២០២៣ ម៉ោង ១៤:៣២ នាទី ដោយ EAC News
  • 1882
  Aa |   aA

ភ្នំពេញ៖ កម្ពុជានិងចិន រំពឹងទុកថាចាប់ពីដើមខែកុម្ភៈ ឆ្នាំ២០២៣នេះតទៅ ដំណើរការហោះហើរដឹកជញ្ជូនអ្នកដំណើរតាមផ្លូវអាកាសនឹងវិលទៅរកភាពប្រក្រតីឡើងវិញរវាងប្រទេសទាំងពីរក្នុងរង្វង់ ៣០ភាគរយ ទៅ៤០ភាគរយ បើប្រៀបធៀបនឹងពេលមុនវិបត្តិជំងឺកូវីដ-១៩ ឬឆ្នាំ២០១៩។

ប្រទេសទាំងពីរមានក្តីរំពឹងទុកបែបនេះ ក្រោយពីប្រទេសទាំងពីរ បានឯកភាពគ្នាដាក់ដំណើរការជើង ហោះហើរជាប្រក្រតីឡើងវិញ ដោយអនុវត្តតាមកិច្ចព្រមព្រៀងទ្វេភាគីឡើងវិញ និងពុំមានការរិតត្បិត ឬកំណត់ចំនួនជើងហោះហើរទៀតឡើយ។

រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល លោក ម៉ៅ ហាវណ្ណាល់ បានលើកឡើងថា មុនវិបត្តិជំងឺកូវីដ-១៩ ការហោះហើរដឹកជញ្ជូនអ្នកដំណើរតាមផ្លូវអាកាសរវាងប្រទេសទាំងពីរមាន សរុបចំនួន ៤១៥ជើងក្នុងមួយសបា្តហ៍។

លោកនិយាយថាគ្រានោះមានក្រុមហ៊ុនអាកាសចរណ៍ហោះហើរចំនួន ២២ក្រុមហ៊ុន ដោយក្នុងនោះក្រុមហ៊ុន អាកាសចរណ៍ចិន មានចំនួន ១៦ក្រុមហ៊ុន និងកម្ពុជាមាន ៦ក្រុមហ៊ុន ភ្ជាប់ទំនាក់ទំនងចំនួន ៣៧ទីក្រុង ដោយក្នុងនោះ ខាងកម្ពុជាមានចំនួន ៣ទីក្រុង នឹងខាងចិន មានចំនួន ៣៤ទីក្រុង។

លោកបន្តថា សម្រាប់ក្នុងអំឡុងវិបត្តិជំងឺកូវីដ-១៩ ការហោះហើរដឹកជញ្ជួនអ្នកដំណើរតាមផ្លូវអាកាស ចាប់ពីថ្ងៃទី២៨ ខែមេសា ឆ្នាំ២០២១ មានជើងហោះហើរតិចតួច ចាប់ពីថ្ងៃទី២១ ខែមិថុនា ឆ្នាំ២០២១ មានជើងហោះហើរតែ ១ជើងប៉ុណ្ណោះក្នុងមួយសប្តាហ៍។ ចាប់ពីថ្ងៃទី២៣ ខែកុម្ភៈ ឆ្នាំ២០២២ ទើបមានជើងហោះហើរ ២ជើងក្នុងមួយសប្តាហ៍។ ចាប់ពីថ្ងៃទី១ ខែកក្កដាឆ្នាំ២០២២ ទើបមានជើងហោះហើរ ៦ជើងក្នុងមួយសប្តាហ៍។ ចាប់ពីថ្ងៃទី១៩ ខែសីហាឆ្នាំ២០២២ ទើបកើនឡើងដល់ ៣០ជើង និងចាប់ពីថ្ងៃទី០៨ ខែវិច្ឆិកា កើនដល់ ៦០ជើងក្នុងមួយសប្តាហ៍។

រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិលបានបញ្ជាក់ បានឱ្យដឹងថា ក្នុងឆ្នាំ២០២១ សាធារណរដ្ឋប្រជាមានិតចិន តាមរយៈសាកលវិទ្យាល័យហោះហើរ អាកាសចរស៊ីវិលចិន បានផ្ដល់អាហារូបករណ៍បច្ចេកទេសអាកាសចរស៊ីវិលរយៈពេល ខ្លីចំនួន ៣វគ្គ គឺវគ្គរៀបចំជើងហោះហើរ វគ្គវិស្វកម្មជួសជុលអាកាសយាន និងវគ្គគ្រប់គ្រងប្រព័ន្ធរ៉ាដា។

នៅក្នុងឆ្នាំ២០២២ សាកលវិទ្យាល័យហោះហើរអាកាសចរស៊ីវិលចិនក៏បន្តផ្តល់អាហារូបករណ៍រយៈពេលខ្លីចំនួន ២វគ្គ គឺវគ្គការវិភាគទិន្ន ន័យហោះហើរចំនួន និងវគ្គការគ្រប់គ្រងព័ត៌មានអាកាសចរ៕


ព័ត៌មានជាច្រើនទៀតសម្រាប់អ្នក